У кнізе змешчаны матэрыялы ІІ Міжнароднага кангрэса беларусістаў, які адбыўся ў Мінску ў маі 1995 г. і быў прысвечаны праблеме «Бeлaрусь паміж Усходам і Захадам».
Разлічана на вучоных, настаўнікаў, студэнтаў, дзяржаўныя органы і грамадскія арганізацыі, якія займаюцца або цікавяцца праблемамі міжнацыянальнага, міжрэлігійнага і міжкультурнага ўзаемадзеяння, зарубежных беларусістаў.

У кнізе змешчаны матэрыялы ІІ Міжнароднага кангрэса беларусістаў, які адбыўся ў Мінску ў маі 1995 г. і быў прысвечаны праблеме «Беларусь паміж Усходам і Захадам».
Разлічана на вучоных, настаўнікаў, студэнтаў, дзяржаўныя органы і грамадскія арганізацыі, якія займаюцца або цікавяцца праблемамі міжнацыянальнага, міжрэлігійнага і міжкультурнага ўзаемадзеяння, зарубежных беларусістаў.

У зборніку змешчаны матэрыялы Міжнароднага «круглага стала», які адбыўся 29-30 красавіка 1996 г. у Мінску з удзелам вучоных Беларусі, Германіі, Польшчы і Швейцарыі. Шырока асвятляюцца пытанні беларуска-нямецкага ўзаемадзеяння у сферах гісторыі, адукацыі, културы, літаратуры, мовы, эканомікі.
Разлічана на ўсіх,хто цікавіцца праблемамі міжнацыянальнага і міжкультурнага ўзаемададзеяння, беларусістаў, выкладчыкаў і студэнтаў-гуманітарыяў.

Зборнік складаецца з трох частак. У першай змешчаны матэрыялы пра Іосіфа Гашкевіча, першага консула Расіі ў Японіі, вучонага і падарожніка, які жыў і пахаваны на Астравеччыне, у другой - краязнаўчыя даклады па гісторыі, культуры Астравеччыны, у трэцяй - артыкулы пра беларуска-японскае грамадска-культурнае супрацоўніцтва.
Прызначаны даследчыкам, краязнаўцам, шырокаму чытачу.

У зборнік уключаны матэрыялы (пераважна ў выглядзе, прадстаўленым дакладчыкамі) Трэціх Скарынаўскіх чытанняў, прысвечаных 480-годдзю беларускага кнігадрукавання. Яны адбыліся на радзіме беларускага і ўсходнеславянскага першадрукара, у Полацку, 9-12 верасня 1997 г. Матэрыялы дадаюць новыя важныя штрыхі да характарыстыкі жыцця і дзейнасці Францыска Скарыны, асвятляюць традыцыі асветніцтва і кнігадрукавання на Полацкай зямлі і - шырэй - у Беларусі, характарызуюць сучасны стан кнігавыдавецкай справы і скарыназнаўства.
Разлічана на вучоных-гуманітарыяў, настаўнікаў, студэнтаў, шырокага чытача.

Зборнік складаецца з дзвюх частак. У першай змешчаны матэрыялы пра беларускага паэта і фалькларыста Яна Чачота, у другой - пра вучонага і падарожніка, нацыянальнага героя Чылі Ігната Дамейку. Абодва нарадзіліся на тэрыторыі Карэліччыны, абодва сябравалі з Адамам Міцкевічам.
Разлічана на настаўнікаў і краязнаўцаў, аматараў літаратуры, гісторыі, падарожжаў.

У зборніку сабраны як навуковыя, так і навукова-папулярныя, публіцыстычныя матэрыялы Міжнароднай канферэнцыі «Адам Міцкевіч і нацыянальныя культуры» і Пятых Карэліцкіх чытанняў «Карэліцкая зямля ў часы Адама Міцкевіча». Яны сталі падсумаваннем Года Адама Міцкевіча ў Беларусі, асэнсаваннем значэння яго спадчыны для беларускага, польскага, літоўскага, рускага і іншых народаў Еўропы.
Прызначаны для навукоўцаў, настаўнікаў, краязнаўцаў, усіх аматараў класічнага мастацкага слова.

У зборнік уключаны як навуковыя, так і навукова-папулярныя, публіцыстычныя матэрыялы Міжнароднай навуковай канферэнцыі «Пушкін - беларуская культура - сучаснасць», прысвечаная 200-годдзю з дня нараджэння вялікага рускага паэта. Кніга з'яўляецца своеасаблісым, даследчыцкім падсумаваннем Года Пушкіна ў Беларусі, асэнсаваннем уплыву рускага класіка на развіццё беларускай культуры.
Даклады і паведамленні друкуюцца на беларускай і рускай мовах - так, як былі прадстаўлены тэксты.
Выданне прызначана для навукоўцаў, студэнтаў, усіх аматараў рускай і беларускай культуры.

У зборніку змешчаны матэрыялы Рэспубліканскай навуковай канферэнцыі «Грамадскія ідэалы: нацыянальныя традыцыі, сучасны стан, погляд у будучыню», арганізаванай Нацыянальным навукова-асветным цэнтрам імя Ф. Скарыны і Беларускім універсітэтам культуры 26-27 лістапада 1998 г.
Адрасуецца ўсім, хто цікавіцца праблемамі беларускай гісторыі і культуры, беларускай грамадскай думкай і нацыянальнай свядомасцю.

Belarus - Ěire = Belarus - Ireland = Беларусь - Ірландыя = Беларусь - Ирландия: Матэрыялы навуковага семінара «Беларуска-ірландскія гістарычна-культурныя сувязі» (Мінск, 1999) / Рэдкал.: А. Мальдзіс (гал. рэд.) і інш. - Мн.: «Беларускі кнігазбор», 2000. - 186 с. - (Беларусіка = Albaruthenica; Кн. 14)
ISBN 985-6318-75-0

У зборнік увайшлі матэрыялы навуковага сімпозіума, а таксама беларускага і ірландскага друку, прысвечаныя беларуска-ірландскаму грамадска-культурнаму ўзаемадзеянню. У канцы змешчана бібліяграфія адпаведных публікацый.
Кніга прызначаецца як спецыялістам, так і шырокаму колу чытачоў.

На шляхах да ўзаемаразумення: Навук.збор. / Рэдкал.: А. Мальдзіс (гал. рэд.) і інш. - Мн.: «Беларускі кнігазбор», 2000. - 356 с. - (Беларусіка = Albaruthenica; Кн. 15)
ISBN 985-6318-81-5

Зборнік складаецца з матэрыялаў трох міжнародных навуковых сустрэч, асноўнай тэмай якіх было грамадска-культурнае ўзаемадзеянне Беларусі і суседніх краін. У першы раздзел увайшлі даклады, прачытаныя на беларуска-польскім форуме, другі прысвечаны асобе і спадчыне вядомага дзеяча Вялікага Княства Літоўскага М.-К. Радзівіла Сіроткі, трэці - беларускага і рускага вучонага-асветніка Б. Эпімаха-Шыпілы.
Кніжка адрасуецца як навукоўцам, так і шырокаму колу чытачоў.

Зборнік прысвечаны 70-годдзю з дня нараджэння выдатнага беларускага пісьменніка. У чарговую кнігу серыі «Беларусіка» ўвайшлі матэрыялы Міжнароднай канферэнцыі, праведзенай у Оршы, на радзіме Уладзіміра Караткевіча, а таксама артыкулы вучоных і пісьменнікаў, якія паказваюць ролю яго творчасці ў славянскім і еўрапейскім літаратурным працэсе. Частка публікацый падаецца на мове арыгінала. Кніга ўпрыгожана малюнкамі пісьменніка.
Выданне адрасуецаа навукоўцам, настаўнікам, усім тым, хто захапляецца творчасцю Уладзіміра Караткевіча.

У зборнік уключаны даклады і паведамленні, прачытаныя на аднайменнай секцыі другой сесіі ІІІ Міжнароднага кангрэса беларусістаў «Беларуская культура ў дыялогу цывілізацый». Матэрыялы маюць цікавасць як для прадстаўнікоў беларускай дыяспары, так і беларускіх вучоных, настаўнікаў, студэнтаў, краязнаўцаў.

У зборніку, які з'яўляецца своеасаблівым падсумаваннем міленійнага года ў Беларусі, змешчаны выступленні на секцыі «Хрысціянства і беларуская культура» ІІІ Міжнароднага кангрэса беларусістаў. Побач з агульнымі, тэарэтычнымі пытаннямі аўтары разглядаюць этапныя моманты тысячагадовай гісторыі хрысціянства на беларускіх землях, уплыў рэлігій на мастацтва, канфесіянальную шматаблічнасць Беларусі. Кніга разлічана на вучоных, настаўнікаў, студэнтаў, шырокія колы інтэлігенцыі, усіх тых, каго цікавіць і хвалюе духоўная культура Беларусі, яе гісторыя і сучасны стан.

У зборніку змешчаны даклады і паведамленні, зробленыя ў час ІІІ Міжнароднага кангрэса беларусістаў і прысвечаныя ўзаемадзеянню беларускай культуры з іншымі культурамі ў галіне мовы і мовазнаўства. Кніга разлічана на даследчыкаў-філолагаў, аматараў беларускага слова.

У зборніку змешчаны даклады і выступленні на секцыях «Францыск Скарына і еўрапейская культура», «Літаратуразнаўства» дзвюх сесіяў ІІІ Міжнароднага кангрэса беларусістаў. Аўтары даследуюць спадчыну беларускага асветніка і першадрукара ў кантэксце еўрапейскай мастацкай культуры, традыцыі Ф. Скарыны ў славянскім кнігадрукаванні, гістарычныя і эстэтычныя аспекты ўзаемасувязяў беларускай літаратуры з агульнаеўрапейскім літаратурным працэсам XIV-ХХ стст. Кніга разлічана на даследчыкаў, выкладчыкаў літаратуры і культуралогіі, на ўсіх, каго хвалюе беларуская культура, яе гісторыя і сучасны стан.

У зборнік уключаны даклады і паведамленні па гісторыі, культуралогіі і мастацтвазнаўству, прачытаныя на ІІІ Міжнародным кангрэсе беларусістаў. Матэрыялы маюць цікавасць для навукоўцаў, выкладчыкаў і студэнтаў ВНУ, супрацоўнікаў музеяў, бібліятэк і архіваў, краязнаўцаў.

У зборнік уключаны даклады пра фарміраванне і развіццё нацыянальнай самасвядомасці беларусаў, прачытаныя на ІІІ Міжнародным кангрэсе беларусістаў. Разглядаюцца пытанні этнагенезу, самабытнасці, стэрэатыпаў, менталітэту, дзяржаўнасці, міждзяржаўных адносін. У асобны раздзел выдзелены матэрыялы пра нацыянальныя супольнасці Беларусі. Кніга разлічана на гісторыкаў, філосафаў, палітолагаў, сацыёлагаў, а таксама на шырокія колы чытачоў.

У зборніку змешчаны даклады і паведамленні, прысвечаныя палітычным, гістарычным, культурным сувязям Беларусі і Бельгіі. Асобныя раздзелы прысвечаны літаратурнаму ўзаемадзеянню (найперш перакладу), беларускай дыяспары ў Бельгіі (М. Равенскі, студэнты і выпускнікі Лювенскага універсітэта). Выданне разлічана на гісторыкаў, палітолагаў, краязнаўцаў.

У зборніку змешчаны матэрыялы Міжнароднага «круглага стала» памяці Алеся Адамовіча, праведзенага Беларускім ПЭН-цэнтрам і прысвечанага праблемам літаратурнага перакладу. Выданне разлічана на літаратуразнаўцаў і перакладчыкаў.

У кнігу ўключаны артыкулы беларускіх аўтараў, прысвечаныя класіку польскай літаратуры, а таксама бібліяграфія «Адам Міцкевіч у друку Беларусі». Выданне выходзіць да 200-годдзя з дня нараджэння славутага сына Навагрудскай зямлі.
Разлічана як на спецыялістаў-філолагаў, так і на шырокія колы чытачоў, настаўнікаў, вучняў.

Кніга выдаецца да 200-гадовага юбілею з дня нараджэння А. С. Пушкіна. Зборнік дае цэласнае ўяўленне пра адносна малавядомыя сучаснаму беларускаму чытачу звесткі аб сувязях вялікага рускага паэта з Беларуссю. Распавядаецца пра падарожжы А. С. Пушкіна праз беларускія мясціны, пра яго нашчадкаў - жыхароў Беларусі, пра ўплыў яго творчасці на развіццё беларускай літаратуры і мастацтва.
Выданне складаецца з прысвечаных А. С. Пушкіну артыкулаў беларускіх навукоўцаў, пісьменнікаў, журналістаў, вершаў беларускіх паэтаў пра яго. Упершыню падаецца найбольш поўная бібліяграфія, дзе адзначаны ў храналагічным парадку выдадзеныя ў Беларусі творы паэта (пачынаючы з 1864 г. і да нашых дзён), а таксама пераклады яго твораў, асобныя кнігі, мастацкія творы, артыкулы пра А. С. Пушкіна.
Кніга будзе карысная настаўнікам і навучэнцам, спецыялістам-філолагам, шырокаму колу чытачоў як своеасаблівы беларускі даведнік па пушкіназнаўству.

У зборнік уключаны даклады і паведамленні беларускіх і польскіх навукоўцаў па актуальных праблемах беларусазнаўства, беларуска-польскіх узаемадачыненнях.
Выданне разлічана на навуковых работнікаў, выкладчыкаў і студэнтаў ВНУ.

У зборнік увайшлі матэрыялы Міжнароднай навуковай канферэнцыі, дзе былі разгледжаны пытанні вяртання і сумеснага выкарыстання спрэчных музейных, бібліятэчных і архіўных каштоўнасцей. Вучоныя шасці краін уводзяць у навуковы ўжытак невядомыя раней факты, выказваюць прапановы, робяць абагульненні.
Разлічана як на вучоных-спецыялістаў, так і на шырокія колы чытачоў.

Зборнік складаецца з навуковых даследаванняў, якія заснаваны на выніках пошукаў у архівах, бібліятэках і музеях Беларусі, Польшчы, Расіі, Украіны і Францыі, дзе выяўляліся матэрыялы, якія звязаны з духоўнай і матэрыяльнай культурай беларускага народа, паходзяць з яе тэрыторыі.
Выданне разлічана на вучоных-спецыялістаў, а таксама аматараў беларускай даўніны.

Чарговы зборнік з серыі "Вяртанне" прысвечаны архіўным і музейным зборам Радзівілаў, уладальнікаў Нясвіжа і ў XVI-XVIII стст., некаранаваным каралям беларускіх зямель. У першай частцы кнігі змешчаны як абагульняючыя артыкулы, так і канкрэтныя апісанні, вынікі пошукаў і знаходак. Другая частка - апісанне фонда "Радзівілы, князі", які захоўваецца ў Вільнюсе, Дзяржаўным гістарычным архіве Літвы, і цяпер цяжка даступны беларускім даследчыкам. Зборнік завяршаецца паказальнікамі (да другой часткі).
Выданне разлічана як на даследчыкаў, гісторыкаў, так і шырокага чытача, які цікавіцца мінулым, найперш краязнаўцаў.